Dyddiadur Cyrsiau

Mae'r cwrs hwn yn addas i unrhyw ragnodwyr sy'n dymuno diweddaru eu gwybodaeth am faterion cyfredol yn ymwneud ag arferion rhagnodi. Bydd y digwyddiad dysgu cydweithredol hwn yn gyfystyr â 7.5 awr o DPP at ddibenion ail-ddilysu, ac ychwanegir amser paratoi ac astudio at hynny.

Mae'r uned hon yn addas i rai sy'n gweithio mewn ystod eang o leoliadau ac sy'n newydd i faes gofalu am glwyfau. Bydd yn rhoi'r wybodaeth a'r sgiliau sydd eu hangen ar y dysgwr i gynorthwyo i ofalu am gleifion sydd â chlwyfau.

Mae'r cwrs Gofal Clwyfau ar gyfer Nyrsys Ymarfer yn rhoi trosolwg cynhwysfawr o sgiliau a gwybodaeth hanfodol mewn rheoli gofal clwyfau. Gan gwmpasu anatomeg y croen, egwyddorion iacháu clwyfau, a dosbarthiadau clwyfau, mae'r cwrs yn ymchwilio i agweddau ymarferol ar reoli clwyfau gan gynnwys dewis rhwymynnau, rheoli heintiau, ac ystyriaethau meddygol-gyfreithiol eraill.

Nod y gweithdy hwn yw darparu dealltwriaeth glir o sut i nodi a manteisio ar gyfleoedd cyllido posibl ac ar yr un pryd lleihau unrhyw gostau ychwanegol nad ydynt yn werth. Bydd cynrychiolwyr yn cael y cyfle i wneud gwaith grŵp wedi'i hwyluso lle gallant fyfyrio ar ba mor dda y maent ar hyn o bryd yn manteisio ar ffrydiau ariannu traddodiadol a pha ffynonellau incwm arloesol y gallent eu hystyried nawr.

Yn yr un modd, bydd cynrychiolwyr hefyd yn cynnal sgan gorwelion sy'n eu galluogi i ystyried beth allai effeithio ar eu sylfaen costau i'r dyfodol a sut orau y gellid rheoli dylanwadau o'r fath.

Mae'r uned yn cyflwyno'r dysgwr i'r cysyniad o hebrwng mewn amgylchedd gofal iechyd. Mae hefyd yn edrych ar y sgiliau gofynnol ar gyfer rhannu gyda chlaf, a'u hawliau mewn perthynas â chael eu hebrwng.

Nod y sesiwn hon yw darparu'r sgiliau a'r wybodaeth ddamcaniaethol/ymarferol sydd eu hangen ar nyrsys i ffitio a newid pessaries yn ddiogel.

Cwrs 2 ddiwrnod sydd yn cydnabod y ffaith bod 10% o’r boblogaeth yn profi symptomau iselder clinigol ar unrhyw adeg ac eraill yn cael trafferth gyda gorbryder neu gyflyrau iechyd meddwl cyffredin eraill.

Mae gwella’r ffordd yr ydym yn cyfathrebu â’n cleifion a’n gwrando arnynt yn gwella canlyniadau, nid yn unig i gleifion, ond hefyd i bob gweithiwr iechyd proffesiynol.

Datblygu dealltwriaeth o gyflyrau iechyd cyffredin menywod a sut i'w rheoli yn y lleoliad gofal sylfaenol. Gwybodaeth weithredol o'r gwahanol raglenni sgrinio a'r hyn maent yn ei olygu. Deall pwysigrwydd cymryd ac asesu hanes da. Yn gallu llunio diagnosis gwahaniaethol er mwyn cael un diffiniol

Rhoi'r wybodaeth a'r sgiliau i Gynorthwywyr Gofal Iechyd (Nyrsio) allu rhoi pigiadau imiwneiddio rhag y ffliw, niwmonia niwmococol, herpes zoster (yr eryr) a phigiadau hydrocsocobalamin (fitamin B12) o dan gyfarwyddyd PSD (patient specific direction). Gellir cwblhau’r cymwyseddau fel unedau unigol, fel sy'n berthnasol i'r swydd. Mae gofyn i'r dysgwyr fod mewn swydd Gweithiwr Cymorth Gofal Iechyd a bod â 24 mis o brofiad.

Bydd y dysgwr yn gallu dangos dealltwriaeth gadarn o'r gwasanaethau mewnol ac allanol sydd ar gael i gleifion ac yn gallu defnyddio dulliau holi i gael digon o wybodaeth i gyfeirio’r cleifion at y gwasanaethau mwyaf addas.

Nod y cwrs hwn yw rhoi sgiliau hanfodol i nyrsys a gweithwyr gofal iechyd proffesiynol mewn practis cyffredinol ar gyfer asesu a rheoli mân afiechydon pediatrig cyffredin. Bydd y rhai sy’n cymryd rhan yn datblygu sgiliau ymarferol mewn cymryd hanes, asesiadau, a diagnosis i reoli mân afiechydon plentyndod yn ddiogel ac yn effeithiol mewn lleoliad ymarfer cyffredinol.