Gwaith

Mae Croeso Cynnes Yn Eich Disgwyl

Os ydych chi'n mwynhau her, yn awyddus i helpu eraill neu'n dymuno ailgychwyn yn rhywle newydd ac ysbrydolgar, mae'r GIG yng Ngogledd Cymru yn cynnig yr elfennau priodol.

P’un a ydych wedi hyfforddi neu’n gymwys, byddwch yn cael y cyfle i lunio dyfodol gofal iechyd mewn cymuned fywiog mewn lleoliadau godidog a gwneud gwahaniaeth gwirioneddol i’r bobl sy’n byw ynddynt. A phan nad ydych chi’n gweithio, gallwch ddarganfod parc cenedlaethol helaeth, llwybrau beicio mynydd pwrpasol, llwybr arfordirol syfrdanol, llinell wib uchel, gwyliau bwyd a chwaraeon ac antur o’r radd flaenaf gerllaw ym mhobman. Mae Bwrdd Iechyd Prifysgol Betsi Cadwaladr (BIPBC) yn datblygu ac yn symud i gyfeiriad cadarnhaol oherwydd cynllunio strategol, buddsoddiad ychwanegol mewn seilwaith a sianeli cyfathrebu mwy tryloyw rhwng staff ac aelodau'r Bwrdd. Bydd recriwtio, cadw a datblygu gweithlu amrywiol a dawnus yn cyflymu ein taith. Felly beth am ddod atom i ddatblygu eich dyfodol a'n helpu ni i lunio ein dyfodol ninnau ar yr un pryd?

Y gorau o ddau fyd

Efallai y bydd byw yng Ngogledd Cymru yn cynnig llonyddwch a chefn gwlad trawiadol i chi ar garreg eich drws, ond mae ceir cysylltiadau eithriadol o dda â mannau eraill a fyddwch chi fyth yn bell o fwrlwm dinas fawr. Mae'r rhanbarth yn cynnig cysylltiadau cymudo ardderchog i Barc Cenedlaethol Eryri a dinasoedd Gogledd Orllewin Lloegr - mae Caer a Lerpwl (a elwir hefyd yn 'brifddinas Gogledd Cymru!) lai nag awr i ffwrdd mewn car, a gellir cyrraedd Manceinion a Birmingham mewn car mewn llai na dwy awr. Gallwch hedfan yn syth o Ynys Môn i Gaerdydd mewn dim ond awr.

Penwythnosau ysbrydoledig

Biwmares

Mae Biwmares yn dref glan môr hudolus â chymysgedd o bensaernïaeth ganoloesol, Sioraidd, Fictoraidd ac Edwardaidd. Mae ei henw’n seiliedig ar y ‘beau marais’ Normanaidd, sy’n golygu ‘cors deg’, disgrifiad o’r safle a ddewiswyd gan Edward I ar gyfer yr olaf o’i ‘gylch haearn’ o gestyll, a adeiladwyd ganddo i geisio rheoli’r Cymry. - Croeso Môn

Gwefan Croeso Môn

Marchnad Artisan Bae Colwyn

3ydd dydd Sadwrn pob mis

Yma, gallwch ddarganfod llu o gelf a chrefft unigryw o waith llaw gan artistiaid, dylunwyr a gwneuthurwyr lleol.

Ceir dewis helaeth yno hefyd o gawsiau, bara, olifau, siocledi a chacenni artisan, ac wrth gwrs, ein faniau bwyd stryd hyfryd sy'n gweini dewis rhagorol o fwydydd poeth o bob cwr o'r byd.

Arafwch, ymlaciwch, dadflinwch, mwynhewch yr adloniant a chofiwch fwynhau diod fach (neu dair) o un o'n barrau symudol sy'n gweini jin, rym, Prosecco, cwrw crefftus a chwrw lleol heb eu hail.-Marchnad Artisan

Gwefan The Artisan Market Company