Rhaglen Interniaeth Cymdeithion Meddygol Gofal Sylfaenol

Mae datblygiad Cymdeithion Meddygol (PAs) yn y DU wedi gwneud cynnydd cyflym dros y blynyddoedd diwethaf ac adnabyddir y rôl fel un â rhan bwysig i’w chwarae yn narpariaeth gofal cleifion yn awr ac yn y dyfodol.

Mae ceisiadau yn agor yn y Gwanwyn

Mae PAs yn rhan o’r gweithlu amlbroffesiynol sydd eu hangen ar gyfer y GIG modern mewn arbenigeddau yn yr ysbyty ac o fewn Gofal Sylfaenol. Â barnu oddi wrth lwyddiant swyddi PA Gofal Sylfaenol mewn mannau eraill yn y DU mae’n debygol iawn y daw PAs yn rhan effeithiol iawn o weithlu Practis/Clwstwr Meddyg Teulu yn y dyfodol.

Er mwyn paratoi ein gweithlu ar gyfer rôl mewn Gofal Sylfaenol, cydnabu’r Academi bwysigrwydd goruchwyliaeth glinigol a dysgu parhaus ar gyfer PAs newydd gymhwyso yn dod i’r gweithlu fel PA am y tro cyntaf ar ôl cymhwyso. Gan gymryd cyngor gan y Gyfadran Cymdeithion Meddygol (FPA) datblygwyd rhaglen Interniaeth 12 mis.

Rhaglen Interniaeth Gofal Sylfaenol

Mae’r Academi yn cynnig Interniaeth Gofal Sylfaenol 12 mis wedi ei gyllido ar gyfer Cymdeithion Meddygol newydd gymhwyso (PAs) yn cymhwyso o Brifysgolion Cymru ar sail flynyddol.

Rhaid i’r PAs fod wedi cwblhau eu MSc mewn Astudiaethau Cyswllt, wedi pasio’r ddwy elfen o Arholiad Cenedlaethol Cymdeithion Meddygol ac wedi cofrestru ar Gofrestr Cymdeithion Meddygol Gwirfoddol a Reolir.
Cyflogir PAs gan y Bwrdd Iechyd ar Delerau ac Amodau’r Agenda gyfer Newid ar gyflog Band 7.
Mae ceisiadau yn agor yn y Gwanwyn cyn i Gymdeithion Meddygol sefyll eu harholiadau cenedlaethol i’w croesawu ym mis Tachwedd.

Beth yw Interniaeth Gofal Sylfaenol?

Mae’r Interniaeth Gofal Sylfaenol yn lleoliad 12 mis gyda Phractis Meddyg Teulu sy’n gallu cynorthwyo Cydymaith Meddygol (PA) newydd gymhwyso i gymryd eu cam cyntaf yn gweithio fel PA cymwys.

Mae’r Academi yn cydnabod y gall fod yn eithaf brawychus fel PA newydd gymhwyso, felly rydym wedi cynllunio’r rhaglen interniaeth hon i osod sylfaen ar gyfer eu harfer personol a phroffesiynol ar gyfer y blynyddoedd i ddod.

Mae gan y rhaglen dair elfen nodedig:

Ymarfer Clinigol: bydd 80% o’u hamser yn y Practis, wedi ei dreulio yn gweld cleifion, un ai yn y practis, ar ymweliadau cartref a/neu dros y ffôn ac ymgynghoriad fideo.
Datblygiad Proffesiynol Parhaus: mae 10% o’u hamser wedi ei warchod ar gyfer anghenion datblygiad proffesiynol parhaus – gall hyn gynnwys mynychu sesiynau addysg Cymdeithion Meddygol gyda PAs eraill newydd gymhwyso a phrofiadol, gall fod yn ddysgu hunangyfeiriedig a gall gynnwys treulio amser gydag Ymarferwyr yn y Practis, Gwasanaethau Cymunedol neu PAs eraill ar draws y Bwrdd Iechyd.
Archwiliad /Ymchwil/Gwella Ansawdd: Rydym yn annog yn weithredol ein PAs i ymgymryd ag archwiliad neu gymryd rhan mewn ymchwil glinigol os yw’r practis yn Llwybr Ymchwil neu i adnabod gwasanaeth neu wella ansawdd a gweithio ag o.

Mae carfanau blaenorol wedi cyflwyno canfyddiadau eu harchwiliadau i Goleg Brenhinol yr Ymarferwyr Cyffredinol (RCGP) ac wedi gallu mynychu’r gynhadledd er mwyn cyflwyno eu Posteri.

Posteri RCGP

Cynlluniodd a chwblhaodd y garfan gyntaf o PAs mewn Gofal Sylfaenol archwiliad yn edrych ar achosion cleifion mewn Gofal Sylfaenol a sut mae’r rhain yn cyd-fynd â Matrics Cymwyseddau Craidd PA. Cyflwynwyd y canfyddiadau mewn poster yng Nghynhadledd Rithiol RCGP a gynhaliwyd 11-12 Chwefror 2021. Llongyfarchiadau i Heledd, Craig, Beth a Jo, a wobrwywyd gyda’r ‘Poster Gorau yn y categori Cyflwyno Gwasanaeth’ gyda’u poster yn dwyn y teitl ‘Increasing the capacity in Primary Care with Physician Associates’

Beth yw Cydymaith Meddygol?

Mae’r Gyfadran Cymdeithion Meddygol yn disgrifio rôl y PA yma Cyfadran y Cymdeithion Meddygol - gofal iechyd o ansawdd ar draws y GIG (fparcp.co.uk)

Datblygiad Proffesiynol Parhaus

Mae’r Bwrdd Iechyd yn cynnig sesiynau addysg PA penodol yn fisol, mae’r rhain fel arfer wyneb yn wyneb yn un o’n tri Ysbyty Dosbarth Cyffredinol ac mae croeso i’r holl PAs yn gweithio yn y Bwrdd Iechyd a’u Partneriaid yn cynnwys lleoliadau Gofal Sylfaenol fynychu.

Mae’r rhaglen addysg yn amrywiol ac rydym yn edrych tuag at y PAs i rannu eu syniadau gyda ni ar bynciau a meysydd o ddiddordeb. Rydym hefyd yn disgwyl i’n PAs ymuno i baratoi a chyflwyno achosion ar sail reolaidd.

Mae gan fy Mhractis ddiddordeb mewn Meddyg Cyswllt – ble alla i gael mwy o wybodaeth am rôl y Cymdeithion Meddygol?

Mae gan FPA lawer o wybodaeth am PAs ar eu gwefan Cyfadran y Cymdeithion Meddygol - gofal iechyd o ansawdd ar draws y GIG (fparcp.co.uk)

Hoffai fy Mhractis gynnal Interniaeth PA – ydy hyn yn bosibl neu ydy hyn ar gyfer Practisau yn cael eu Rheoli gan y Bwrdd Iechyd yn unig?

Ydy, mae hyn yn bosibl a na dyw hyn ddim ar gyfer Practisau sy’n cael eu Rheoli gan y Bwrdd Iechyd yn unig. Rydym yn gwybod rôl mor werthfawr y gall PA ei chwarae yn y Practis a byddem yn croesawu diddordeb gan Bractisau Annibynnol a phractisau sy’n cael eu Rheoli gan Fwrdd Iechyd fel ei gilydd.

Os ydw i’n cynnal Interniaeth - beth alla i ei ddisgwyl gan y Bwrdd Iechyd?

Cwestiwn da!

Bydd gennych gyswllt a enwir yn y Tîm Academi fydd eich prif bwynt cyswllt
Sesiynau addysg misol i’ch PA eu mynychu gyda PAs eraill i annog rhwydweithio, dysgu rhwng cymheiriaid a rhai sesiynau siaradwyr gwych
Presenoldeb wedi’i ariannu i’ch PA yn y Gynhadledd RCGP yn dibynnu os ydyn nhw’n cyflwyno Poster
Cyfle i gyflogi’r PA ar ddiwedd y rhaglen interniaeth 12 mis

Beth mae’r Academi yn ei ddisgwyl gan y Practis sy’n Cynnal?

Cwestiwn gwirioneddol dda…rydym yn disgwyl i’r practis sy’n cynnal:

Darparu goruchwyliaeth glinigol gadarn i’r Cydymaith Meddygol, yn cydnabod eu bod yn ymarferydd newydd gymhwyso
Cynnig tiwtorial un awr wythnosol
Sicrhau bod y PA yn cael ei ryddhau i fynychu’r sesiynau addysg misol
Ymgysylltu â’r Tîm Academi a darparu diweddariadau ar gynnydd y PAs

Alla i gynnal PA ar unrhyw adeg yn ystod y flwyddyn?

Na ond gallwch adael i ni wybod bod gennych ddiddordeb. Rydym yn cynnig cymeriant PA ar gylch blynyddol, yn hysbysebu’r lleoedd gwag yn Ebrill a Mai gyda’r PAs yn barod i gymryd y swydd yn y Tachwedd dilynol ar ôl rhyddhau canlyniadau Arholiadau Cenedlaethol y Cymdeithion Meddygol.

Mae angen i ni wybod erbyn Mawrth mewn unrhyw flwyddyn os yw eich Practis â diddordeb mewn bod yn Bractis cynnal ond gall Practisau gysylltu â’r Academi ar unrhyw adeg i gofrestru eu diddordeb mewn bod yn bractis cynnal.

Rydw i’n PA sydd wedi astudio y tu allan i Gymru ond mae gen i ddiddordeb yn eich PA mewn Interniaeth Gofal Sylfaenol – Alla i ymgeisio?

Yn anffodus, dim ar y funud drwy ein cynllun Cenedlaethol, mae ar gyfer PA yn graddio o Brifysgolion Cymru. OND, os na fyddwn yn llenwi holl leoedd gwag ein Cymdeithion Meddygol yna fe fyddan nhw’n hysbysebu yn ehangach felly cadwch lygad ar ein cyfrif Twitter a’r Cyfryngau Cymdeithasol.