Dyddiadur Cyrsiau

Bydd dysgwyr yn deall pwysigrwydd adnabod claf gwael yn gynnar a rôl y gweithiwr cymorth gofal iechyd yn y broses hon. Byddant yn dysgu i asesu claf gwael, i nodi cyflwyniadau ffisiolegol 'baner goch' a'u hachosion posibl, i ddisgrifio lefelau brys mewn iechyd meddwl, ac i ddefnyddio offer ar gyfer asesu cleifion.

I alluogi rheolwyr i fod yn fwy hyderus a theimlo bod ganddynt reolaeth wrth arwain unigolion a thimau, ac wrth ddirprwyo tasgau. I ddeall ffyrdd amgen o ddelio ag ymddygiadau anodd sy'n effeithio'n negyddol ar forâl, ymdeimlad tîm a chynhyrchiant.

Mae'r cwrs Atal Cenhedlu ar gyfer Nyrsys Ymarfer yn darparu hyfforddiant hanfodol i nyrsys mewn gofal sylfaenol. Wedi'i ddatblygu yn unol â chanllawiau cenedlaethol, archwiliwch ddewisiadau atal cenhedlu a deallwch eu harwyddion a'u heffeithiolrwydd. Dysgwch lywio gofal sy'n canolbwyntio ar y claf, materion cyfreithiol ac astudiaethau achos ymarferol ar gyfer rheoli atal cenhedlu yn hyderus.

I ddarparu'r sgiliau ymarferol a theori sydd wedi'u cynllunio ar gyfer crynhowyr o fewn gofal sylfaenol. I ddeall pwrpas ac arwyddocâd crynhoi cofnodion cleifion newydd a gohebiaeth sy'n dod i mewn. I ddarparu dull cam wrth gam ar gyfer crynhoi cofnodion cleifion newydd, yn unol â chanllawiau cyfredol o fewn gofal sylfaenol.

Mae asthma yn gyflwr meddygol hirdymor sy'n effeithio ar bobl o bob oedran. Mae'n un o brif achosion afiacheddau ac mae'n faich sylweddol ar gleifion, gwasanaethau iechyd a'r gymdeithas. Mae'r cwrs hwn yn cynnig trosolwg o asthma a'i effaith ar iechyd a lles cleifion o bob oedran. Bydd y cwrs hwn yn rhoi sylw i ddiagnosis cynnar a manwl gywir, dulliau rheoli priodol a gânt eu teilwra yn unol ag anghenion a dymuniadau cleifion unigol, ac osgoi pyliau o asthma a marwolaethau a achosir gan asthma trwy ddulliau hunanreoli â chymorth, ymyriadau buan a threfnu gofal yn effeithiol.

Nod y modiwl addysg broffesiynol hwn yw cynorthwyo myfyrwyr i ddirnad hanfodion gofal i gleifion sydd â COPD.
Mae'r cwrs yn cynnig trosolwg o'r clefyd a'i effaith. Bydd myfyrwyr yn dod i ddeall sut y defnyddir dulliau canfod hanes a chynnal profion diagnostig pwysig megis sbirometreg i sicrhau diagnosis diogel a chywir. Byddant yn gallu dirnad a gweithredu egwyddorion rheoli COPD, gan ddefnyddio newidiadau i ffyrdd o fyw a therapi â chyffuriau priodol i leihau'r beichiau a'r risgiau sy'n gysylltiedig â COPD, gan ddysgu sut i adolygu a gofalu am gleifion yn effeithiol, beth bynnag fod cam eu clefyd, yn cynnwys cleifion sydd â chlefyd acíwt sy'n gwaethygu.
Mae’r cwrs wedi’i lunio gan glinigwyr profiadol sy'n gweithio yn y maes ar hyn o bryd ac sydd oll yn awyddus i wella bywydau pobl sydd â COPD. Mae'r deunyddiau dysgu yn amrywiol ac maent yn cynnwys gweithgareddau sy'n cael eu llywio gan diwtoriaid a cheir asesiadau ac adborth rheolaidd trwy gydol y modiwl. Mae'r cwrs wedi'i fapio yn unol â gofynion safonau a chodau proffesiynol sy'n cael eu cydnabod ar y lefel genedlaethol, ac ar ôl cwblhau'r cwrs yn llwyddiannus, bydd gan fyfyrwyr y wybodaeth a'r sgiliau sy'n ofynnol i ddarparu gofal sy'n seiliedig ar ganllawiau a datblygu eu harferion proffesiynol ymhellach. Felly, mae'r cwrs hwn yn addas at ddibenion DPP a datblygu'r gweithlu.

Nod y modiwl addysg broffesiynol 15 awr hwn yw galluogi myfyrwyr i ddeall hanfodion gofal i gleifion sydd â chlefyd interstitaidd yr ysgyfaint.
Mae'r cwrs hwn yn cynnig trosolwg o fynychder ILDs gwahanol a'u heffaith. Bydd myfyrwyr yn dod i ddeall pa mor bwysig yw llunio diagnosis diogel a manwl gywir. Archwilir tystiolaeth bresennol ynghylch rheoli ILD, yn cynnwys rôl dulliau anffarmacolegol a phwysigrwydd gofal cynhaliol.
Mae’r cwrs wedi’i lunio gan glinigwyr profiadol sy'n gweithio yn y maes ar hyn o bryd ac sydd oll yn awyddus i wella bywydau pobl sydd ag ILD. Mae'r deunyddiau dysgu yn amrywiol ac maent yn cynnwys gweithgareddau sy'n cael eu llywio gan diwtoriaid, a defnyddir straeon cleifion fel adnoddau dysgu trwy gydol y modiwl.
Mae'r cwrs wedi'i fapio yn unol â gofynion safonau a chodau proffesiynol sy'n cael eu cydnabod ar y lefel genedlaethol, ac ar ôl cwblhau'r cwrs yn llwyddiannus, bydd gan fyfyrwyr y wybodaeth a'r sgiliau sy'n ofynnol i ddarparu gofal sy'n seiliedig ar ganllawiau a datblygu eu harferion proffesiynol ymhellach. Felly, mae'r cwrs hwn yn addas at ddibenion DPP a datblygu'r gweithlu.

Diben y cwrs hwn yw cynnig gwybodaeth gyfoes a hawdd ei deall ynghylch materion allweddol yn ymwneud â methiant y galon. Byddwch yn cael arweiniad ynghylch cyfres o bynciau sy'n rhan o'r cwrs sylfaen ynghylch rheoli methiant y galon, yn cynnwys sut i sicrhau diagnosis manwl gywir, cynghorion ynghylch dulliau hunan-reoli, a defnyddio'r trefniadau rhoi meddyginiaethau mwyaf priodol.

Faint o amser / adnodd sy'n cael ei dreulio ar egluro i'ch claf beth ddylent ei wneud, a allai ac y mae'n rhaid iddo ei wneud i reoli ei gyflwr? Dyma'r cwrs a fydd yn rhoi'r sgiliau i chi rymuso'ch cleifion i'w wneud drostyn nhw eu hunain!

Nod allweddol y gweithdy hwn yw galluogi HCA a gweithwyr iechyd proffesiynol i wella eu sgiliau cyfweld ysgogol yn y gweithle. Bydd y gweithdy'n canolbwyntio'n benodol ar egwyddorion RULE ac OARS: Gwrthsefyll, Deall, Gwrando a Grymuso.

Cwestiwn agored, cadarnhau, gwrando myfyriol a myfyrdodau cryno. Bydd cynrychiolwyr yn dysgu'r technegau penodol i helpu'r claf a diweddaru'r gweithiwr proffesiynol.

Mae cwrs eAMHFA Cymru yn dysgu oedolion sut i ddarparu Cymorth Cyntaf Iechyd Meddwl i ffrindiau, teuluoedd a chydweithwyr. Cymorth Cyntaf Iechyd Meddwl yw’r cymorth a ddarperir i berson sy’n datblygu problem iechyd meddwl, sy’n profi gwaethygu problem iechyd meddwl bresennol, neu mewn argyfwng iechyd meddwl. Rhoddir y cymorth cyntaf hyd nes y derbynnir y cymorth proffesiynol priodol neu nes bydd yr argyfwng wedi'i ddatrys.