Prentisiaethau
Mae rhaglenni prentisiaeth yn cynnig cyfle i'r dysgwr ddod yn aelod cymwys o'r gweithle.
Bydd y cwrs yn eich helpu i ymgymryd â'ch cyfrifoldebau yn broffesiynol ac yn gymwys mewn lleoliad clinigol neu weinyddol. Bydd yn eich galluogi i ddarparu'r ymyriadau cywir yn unol â pholisïau a gweithdrefnau eich sefydliad ac i gofnodi ac adrodd ar unigolion yn eich gofal yn gywir, i sicrhau eu bod yn cael y gofal a'r driniaeth orau.
Fel arfer, bydd Cymhwyster Prentisiaeth yn cymryd 12-15 mis i'w gwblhau a bydd yn cael ei deilwra i'ch anghenion dysgu penodol.
Beth yw Sgiliau Hanfodol?
Mae cymwysterau Sgiliau Hanfodol yn datblygu gwybodaeth a dealltwriaeth dysgwyr o Gymhwyso Rhif (Rhifedd), Cyfathrebu (Llythrennedd) a Llythrennedd Digidol.
Mae'r cymwysterau hyn yn galluogi dysgwyr i ddangos eu bod yn gallu cymhwyso sgiliau hanfodol i ystod o sefyllfaoedd yn y gwaith, wrth ddysgu a thrwy gydol eu hoes.
Mae'r cymwysterau Sgiliau Hanfodol yn rhan hanfodol o'r holl Gymwysterau Prentisiaeth. Bydd y gofyniad hwn yn cael ei drafod gyda phob dysgwr yn unigol ar ddechrau'r broses ymgeisio. Mewn rhai achosion, yn dibynnu ar eich rôl flaenorol, eich cymwysterau a’ch phrofiad, gall fod tystiolaeth o gyrhaeddiad y rhain neu ddysgu cyfatebol.
Sut mae'r cyrsiau'n cael eu darparu?
Bydd yr holl raglenni'n cael eu darparu'n lleol trwy Goleg Llandrillo neu Goleg Cambria. Bydd y lleoliad yn cael ei gadarnhau ar ôl y sesiynau ymwybyddiaeth.
Sut ydw i'n ymgeisio?
Ar gyfer y rhan fwyaf o gymwysterau prentisiaeth glinigol ac anghlinigol, mae angen llenwi ffurflen Mynegi Diddordeb. Mae'r rhaglenni hyn ar gael drwy gydol y flwyddyn. Cysylltwch â BCU.Academy@wales.nhs.uk am ragor o wybodaeth neu ffurflen gais.
Ar gyfer cyrsiau ILM mae angen mynychu'r sesiwn ymwybyddiaeth a chwblhau ffurflen gais. Fel arfer, mae'r cyrsiau hyn yn dechrau ym mis Mawrth a mis Medi bob blwyddyn. Cysylltwch â BCU.Academy@wales.nhs.uk am ragor o wybodaeth neu ffurflen gais.
Pa gyrsiau clinigol sydd ar gael?
- Nyrsio Clinigol - Cynefino: Lefel 2
- Cymorth Gofal Iechyd Gofal Sylfaenol: Lefel 3, tystysgrif / diploma
- Gwythïen-bigiad (Fflebotomi): Lefel 2
- Tystysgrif mewn Ymarfer Gofal Iechyd: Lefel 4
- Llwybr rhan-amser Baglor mewn Nyrsio (BN)
- Cefnogi a Grymuso Unigolion â Chyflyrau Hirdymor: Lefel 4 - wrthi'n cael ei ddatblygu i'w lansio yn ddiweddarach yn 2024
Pa gyrsiau anghlinigol sydd ar gael?
Agored
- Tystysgrif mewn Gwasanaethau Gweinyddol a Derbynfa Gofal Sylfaenol (PCAR): Lefel 2
Paratoi ar gyfer Arwain a Rheoli ym Maes Iechyd a Gofal Cymdeithasol: Lefel 4
.
Tystysgrif neu Wobr ILM
- Arwain a Sgiliau Tîm: Lefel 2, Lefel 3, Lefel 4
- Egwyddorion Arwain a Rheoli: Lefel 4
- Hyfforddi a Mentora: Lefel 2, Lefel 3, Lefel 5
- Arwain a Rheoli: Lefel 4, Lefel 5
- Rheoli Gofal Iechyd: Lefel 3
- Cyfryngau Cymdeithasol: Lefel 3
- Marchnata Digidol: Lefel 2
- Sgiliau Digidol: Lefel 2, Lefel 3
- Rheoli Prosiect: Lefel 4
- Gweinyddu Busnes: Lefel 4
Mae rhaglenni prentisiaeth yn cynnig cyfle i'r dysgwr ddod yn aelod cymwys o'r gweithle.
Bydd y cwrs yn eich helpu i ymgymryd â'ch cyfrifoldebau yn broffesiynol ac yn gymwys mewn lleoliad clinigol neu weinyddol. Bydd yn eich galluogi i ddarparu'r ymyriadau cywir yn unol â pholisïau a gweithdrefnau eich sefydliad ac i gofnodi ac adrodd ar unigolion yn eich gofal yn gywir, i sicrhau eu bod yn cael y gofal a'r driniaeth orau.
Fel arfer, bydd Cymhwyster Prentisiaeth yn cymryd 12-15 mis i'w gwblhau a bydd yn cael ei deilwra i'ch anghenion dysgu penodol.
Ar ôl cwblhau'r brentisiaeth, byddwch wedi cyflawni'r canlynol:
- Prentisiaeth Diploma mewn pwnc dewisol h.y. Cymorth Gofal Iechyd Clinigol (Cymru) neu Ddiploma Gwasanaethau Gweinyddol a Derbynfa Gofal Sylfaenol
- Sgiliau Hanfodol - Cymhwyso Rhif (AON) Lefel 2*
- Sgiliau Hanfodol - Cyfathrebu Lefel 2 *
- Sgiliau Hanfodol – Llythrennedd Digidol Lefel L1
- Datblygu'r Gymraeg Prentis-iaith