Bydd rhaglen Gofal ar gyfer yr Henoed GP+ yn cynnig cyfle i chi gydweithio â'r tîm adnoddau cymunedol (CRT) lleol. Mae'r CRT yn dîm o weithwyr sy'n gweithio mewn sawl proffesiwn iechyd a gofal cymdeithasol sy'n cynorthwyo cleifion i barhau i fyw yn eu cartrefi eu hunain. Mae’n wasanaeth dwys sy'n gallu cynnig mynediad cyflym i feddygon teulu, cleifion, a’u teuluoedd at brofion diagnostig, barn ymgynghorydd, gwasanaethau nyrsio arbenigol, a gweithwyr iechyd a gofal cymdeithasol proffesiynol eraill. Mae’n cynnig opsiwn i ofalu am gleifion gartref, dan rai amgylchiadau, pan mai’r unig opsiwn yn flaenorol oedd eu derbyn i’r ysbyty.
Bydd y rhaglen hyfforddi hon hefyd yn cynnwys goruchwyliaeth gan dîm gofal eilaidd Gofal ar gyfer yr Henoed (COTE), gan ganiatáu i chi weithio gyda’r boblogaeth oedrannus leol, gan gyfrannu at waith gwerthfawr i osgoi derbyniadau lleol ac yn ymwneud ag eiddilwch.
Sylwer, mae'r canlynol yn cynnig arweiniad ynghylch cynnwys cyffredinol rhaglen Gofal ar gyfer yr Henoed GP+ , a gallai hynny newid yn dibynnu ar y lleoliadau hyfforddi sydd ar gael a'r cynllun swydd cytunedig.
Chwarter: 1
Chwarter: 2
Chwarter: 3
Chwarter: 4
Tua diwedd cyfnod eich rhaglen hyfforddi, bydd tîm GP+ yn cael cyfarfod gyda chi a thîm rheoli'r practis i gytuno beth fydd y camau nesaf a thrafod y cymorth a fydd yn ofynnol ar ôl i chi orffen cyfranogi yn y rhaglen.
Er y gallai gorffen cyfranogi yn y rhaglen fod yn wahanol yn achos pob meddyg teulu, mae eich rôl meddyg teulu cyflogedig wedi'i gwarchod a chaiff eich cyflog ei adolygu. Yn achos rôl Meddyg Teulu Gofal ar gyfer yr Henoed, rhagwelir y bydd eich amser yn dal i gael ei rannu rhwng eich rôl Gofal ar gyfer yr Henoed a'ch rôl Gofal Sylfaenol.