Sefydlwyd yr Hybiau SET i gynorthwyo datblygiad sgiliau ac i gynorthwyo addysg a hyfforddi gweithlu amlddisgyblaethol a’r genhedlaeth nesaf o ymarferwyr clinigol.
Bydd Hybiau SET yn cefnogi myfyrwyr, hyfforddeion ac ymarferwyr profiadol i ddatblygu eu sgiliau gofal sylfaenol a’u gwybodaeth.
Yn ychwanegol i gynnig lleoliadau myfyrwyr bydd yr Hybiau hefyd yn cynnal rolau hyfforddi Uwch Ymarfer Clinigol tymor penodol.
Yn ogystal â chefnogi’r gweithlu Amlddisgyblaethol bydd yr Hybiau hefyd yn gartref i Hyfforddeion Meddyg Teulu a Meddygon Sylfaen yn cynnig amgylchedd dysgu gwirioneddol ryngbroffesiynol.
Mae Hyfforddeion Academi yn gweithio ochr yn ochr â thîm o Oruchwylwyr Clinigol i sicrhau bod clinigwyr cyfredol a’r dyfodol yn cael eu cynorthwyo i atgyfnerthu eu llwybrau addysg ffurfiol gydag arfer clinigol bywyd go iawn.
Mae ein cynlluniau i ehangu ein rhifau Hwb Hyfforddi ar waith ac rydym yn chwilio am ein safle nesaf yn Nwyrain y Rhanbarth (Wrecsam neu Sir y Fflint) felly rhagor am hynny maes o law!
Safleoedd Ategol
Rydym yn gweithio mewn partneriaeth â nifer o Bractisau meddygon teulu ar draws Gogledd Cymru er mwyn cynnig lleoliadau i Hyfforddeion, gan weithio’n bennaf gyda Phractisau Annibynnol i ddod o hyd i bractisau i gynnal ein hyfforddeion a darparu amgylchedd dysgu sy’n gefnogol, cadarnhaol a chalonogol.
Rydym yn gweithio gyda Phractisau ym mhob un o’n siroedd er mwyn sicrhau bod ein clinigwyr Gofal Sylfaenol heddiw ac yfory yn atgyfnerthu eu haddysg ffurfiol mewn lleoliadau clinigol gan weld a gofalu am boblogaeth Gogledd Cymru.
Lleoliadau Myfyrwyr a Chyfleoedd i Hyfforddeion
Os hoffech wybod mwy am unrhyw un o’r cynlluniau canlynol, dilynwch y dolenni isod:
Cylchdro ymarferydd parafeddyg uwch