GP+

Mae GP+ yn rhaglen hyfforddiant wedi'i hariannu'n llawn sy'n cynnig cyfle i chi ddatblygu eich gwybodaeth ym maes diddordeb arbennig tra'n gweithio fel Meddyg Teulu i ategu eich sgiliau ym maes ymarfer cyffredinol.

Mae'r cyfnod ymgeisio bellach wedi dod i ben - cysylltwch â ni i fynegi eich diddordeb.

Fetching form...

I gyfranogi yn rhaglen GP+ 2023/24, mae angen ymrwymo i 6 sesiwn yr wythnos o leiaf dros 12 mis. I allu manteision llawn ar raglen GP+, argymhellir cyfranogi ar sail amser llawn yn y rhaglen (9 sesiwn/37.5 awr yr wythnos), a chaiff yr amser ei rannu rhwng gwaith Meddyg Teulu Cyflogedig ac addysg a hyfforddiant ym maes diddordeb arbenigol.

Yn achos Meddyg Teulu amser llawn, treulir oddeutu 5 sesiwn yr wythnos mewn practis. Bydd gweddill amser eich swydd yn cael ei gynllunio ar y cyd â'r practis a'r Academi Gofal Cymunedol ar ddechrau'r lleoliad i sicrhau y bodlonir holl elfennau'r rhaglen. Bydd y 4 sesiwn arall yn ymwneud â'r agwedd arbenigol ar eich rôl ac unrhyw hyfforddiant/cyrsiau cysylltiedig. Gwarchodir y sesiynau hyn i'ch galluogi i ymgymryd â lleoliadau arsylwi clinigol, sesiynau a addysgir a sesiynau clinigol.

Cymeradwyir cyllideb astudio ar ddechrau'r rhaglen er mwyn cyflawni'r deilliannau cytunedig a chynorthwyo i ddatblygu'r maes arbenigol rydych yn ymddiddori ynddo.

Penodir Mentor Meddygon Teulu i'ch cynorthwyo tra byddwch yn cyfranogi yn y rhaglen.

Y Practisiau

Mae'r cyfnod ymgeisio bellach wedi dod i ben - cysylltwch â ni i fynegi eich diddordeb.

Cwestiynau Cyffredin

Beth allaf i ei ddisgwyl?

Amgylchedd dysgu cefnogol
Rhaglen sefydlu gynhwysfawr
Cyfleoedd i gael addysg a hyfforddiant i'ch cynorthwyo i ddatblygu ym maes eich diddordeb arbenigol
Ymrwymiad gan dîm y Practis i'ch cynorthwyo yn ystod y rhaglen
Cymorth gan yr Academi Gofal Cychwynnol a Chymuned

Pwy all wneud cais?

Rydym yn croesawu ceisiadau gan feddygon teulu yn ystod unrhyw gam o'u gyrfa.

Beth yw'r gofynion i allu ymgeisio am le yn y rhaglen?

Cofrestriad llawn â'r GMC â thrwydded i ymarfer a chofnod ar y Gofrestr Meddygon Teulu
Tystysgrif Cwblhau Hyfforddiant (CCT) fel Meddyg Teulu / Tystysgrif Cadarnhau Cymhwyster i Gofrestru fel Meddyg Teulu (CEGPR) neu gyfwerth
Bod wedi'ch cynnwys ar Restr Cyflawnwyr Meddygol neu fod yn gymwys i gael eich cynnwys

Faint yw'r cyflog?

Mae cyflog amser llawn y rôl hon yn £81,000, yn seiliedig ar weithio 37.5 awr yr wythnos.

Mae'r cyflog yn gyfystyr â £9,000 y sesiwn yn fras (4.10 awr).

Faint o wyliau blynyddol y gellir eu hawlio?

Gellir hawlio 34 diwrnod o wyliau blynyddol ynghyd â gwyliau banc (pro rata).

A fydd gen i indemniad ar gyfer y rhaglen hon?

Bydd indemniad ar gyfer rhaglen GP+ mewn perthynas â'r gwaith sy’n gysylltiedig â chyflawni’r contract GMS yn y practis meddygon teulu ble lleolir y cyfranogwr ac wrth ddarparu’r gwaith sy’n gysylltiedig â maes y diddordeb arbenigol os mai cyfrifoldeb y bwrdd iechyd yw darparu’r gwasanaeth hwn.

Y Rhaglenni

Mae'r cyfnod ymgeisio bellach wedi dod i ben - cysylltwch â ni i fynegi eich diddordeb.